Vælkomin í skúlabólkin

 

í skúlabólkinum ganga 21 børn - og hjá okkum arbeiða Diana, Durita, Laila og Birita

18/9-2018 vóru vit á brennistøðini við øllum ruskinum, vit høvdu samlað á altjóða ruddingardegnum. Her kunnu tit síggja myndir frá túrinum.

 

20/9-2018 vóru vit á Oyrareingjum og vitjaðu bóndan.

Har vóru nógv neyt at síggja, tann elsta kúgvin var 11 ára gomul, og minsti kálvurin var bert 2 dagar gamal. Vit fingu møguleika at royna mjólk, ið var komin beinleiðis frá kúnni. Hon smakkaði væl. Her kunnu tit síggja myndir frá túrinum.

 

Dagarnir 3.- 4. oktobur høvdu vit sansadagar á stovninum.

Skúlabólkurin tók ábyrgdina av at fyriskipa sansadagarnar. Her kunnu tit síggja myndir frá fyrireikingunum og døgunum :)

9/10-2018 vóru vit í stórustovu og gjørdu uppgávur og í trýkantinum gjørdu vit motoriskar venjingar.

23/10-2018 vóru vit túr. Vit gingu oman gjøgnum svartafoss, ótu so matpakka í viðarlundini, og síðan gingu vit oman í grasagarð at spæla. Vit tóku bussin niðan aftur. Ein deiligur túrur :-)

1/11-2018 Vóru vit á Sjósavninum. Vit tóku bussin út á Argir og niðan aftur til Hoyvíkar. Vit høvdu ein góðan túr, har vit sóu nógvir spennandi fiskar, krabbar, goggur o.a. Krabbarnir úti fingu at eta frá okkum, og síðan gav maðurin fiskum og krabbum í akvariuminum at eta. Vit sóu eisini hvussu langa tíð tað tekur umhvørvinum, at upploysa skrell, ið vit alt ov ofta tveita frá okkum úti í náttúruni.

22/11-18

Heyhey tit :-)

Seinastu dagarnir, har vit hava verið í skúlabólkið, hava vit vant, sungið, hoyrt søgu, og verið úti í bálhúsinum, har vit sluppu at telgja saman við Duritu. Vit venja næstan hvørjaferð vit møtast, ikki leikin hvørjaferð, men sangirnir fyri tað mesta. Børnini eru so ótrúliga spent til tey sleppa at frammføra leikin fyri tykkum. Og tað eru vit vaksnu sjálvandi eisini :-) Her eru nakrar myndir, ið tit kunnu síggja :-)

 

13/12-18

Heeeey tit øll :)

Nú er nakað síðan, at vit hava lagt myndir inn. Tað kemst av tí, at vit hava veri so pptikin av at venja til jólaleikin & Lucia og so alt hitt, sum gongur fyri seg hesa árstíð. MEN, nú kunnu tit endiliga sleppa at síggja nakrar myndir frá okkara spennandi og hugnaliga Desembur mánaða.

Í dag er altjóða Lucia dagur, og hava vit verið í Eldrabýlinum oman Hoydalar, og gingið Lucia fyri teimum, ið dagliga búgva har. Tey vóru so glað fyri at síggja okkum. Vit sungu eisini 4 jóla sangir fyri teimum, og fingu vit ein jólapakka áðrenn vit fóru yvir á stovnin aftur.

Vit ótu matpakka saman í stórustovu, har vit tóku saman um fyrra hálvárið í skúlabólkinum. Vit prátaðu um upplivingar, og komu eisini inná ynskir, til komandi árið. Birita segði eisini børnunum frá, at hettar var síðstu fer, at hon var saman við teimum, í skúlabólkinum. Hon er sloppin inn á skúla í Danmark, og fer tí at gevast at arbeiða í Dagstovninum í Hoyvík, eftir jólafríðtíðina.

Vit vilja við hesum ynskja tykkum øllum eini góð og hugnalig jól, og eitt eydnuberandi nýggjár, við tøkk fyri tað brátt farna. <3